பாராய் பாராய் பாராய் பாராய்
பாக்கிய சீயோனின் கண்ணே
சீராக வேயிதோ நேராய் பரத்தினின்று
சீவ நதிப் பிரவாக மேவு துன்னதமாக | பா |
1. ஆதி யானுமாட்டுக் குட்டியுமே தங்கும்
ஆசனத் திருந்து வீசும் பளிங்கைப் போலே
தேசு துலங்க வருஞ் சுத்த சீவ தண்ணீரின்
சித்ர நதியது தா னுத்தமியே கண்ணாலே | பா |
2. வீதி நடுவிலேயும் நதியினிரு கரையும்
விந்தையாகப் பனிரண்டு விதக் கனிகள்
மாதந்தோறும் தந்து சாதிகளுக் காரோக்கியம்
வருத்தும் பத்திரத்தைக் கொண்டு
இருத்துஞ் சீவ விருட்சம் | பா |
3. நதியினோரத் தினக் கரையு மிக் கரையினும்
நன்று மினிதுமாக நின்று போசனத்துக்
கிதமுங் கனிகளோ யா திலைகளு திராதென்று
மிருக்குஞ் சகல விதத் தருக் களனந் தனந்தம் | பா |
4. வானத்திருந் திறங்கிப் பரமன் மகிமை கொண்ட
மகத்துவமான பரி சுத்த யேருசலே
மேன்மைப் பட்டண முற்றும் பளிங்குனொளிவு தோன்ற
வெளிச்சம் யஸ் பிக் கற் போல்
பளிச் சென் றொளிர்து சாலேம் | பா |
5. பெரிது முயரமான மதிளு மாறி ரண்டு
பெரிய வாசல் கண் மேற் சுரர்கள் பன்னிருவருக்
குரிய இசறாவேற் பன்னிருவர் கோத்திரத்துக்
குடைய பெயர் பதித்த
கடவுள் திருநகரம் | பா |
6. நாலு திக்குகனான மூன்று வாசன்க
ரத்தின் மதிட் பனிரண்டஸ்தி வாரங்களு
மேலு மாட்டுக் குட்டியின்ற னாறிரண்டு
வேதப் போஸ்தலர் நாமம்
தீதப் பிரஸ் தாபங்களும். | பா |
7. உன்னதச் சதுரமான பட்டணத்தின்
உயரமகலம் நீளஞ் சரிசமான தூரம்
பன்னீராயிர மிஸ் தாதி றூற்றுநாற்
பத்து நான்கு முழஞ்
சித்திர மதிளுயரம். | பா |
8. சுத்தக் கண்ணாடிக் கொக்குஞ் சுத்தப் பசும் பொன்னாகத்
துலங்கும் பட்டண மதிளிலங்குங் கட்டுதல் யஸ்பி
அஸ்தி வாரங்களோ சகல வித ரத்தனங்க
ளாலு மலங்கரித்த
கோல விசித்திரங்கள். | பா |
9. ஆதி யஸ்பி நீலக்கல்லே கலக தோனி
அதின் பின்னாக மரகதங் கோமேதகங் கெம்பு
மாதே கிரி சொலித்து பேரில் புஷியராகம்
வயிடூரியம் பத்ம ராகம் மேதிஸ்து. | பா |
10. ஆறிரண்டு வாசலொவ் வொன் றொரு முத்தான
அரிய பட்டண வீதி தெரிதற் கன்ணாடிபோன்ற
சோதிப் பொன்னே யதிற் தேவாலய மில்லைச்
சூரிய சந்திரனில்லை
ஆரியனின் மகிமை. | பா |
11. ஆட்டுக் குட்டியதின் தீபமேதிரித்துவ
ஆதியான் மகிமை வெளிச்சமே யதற்குள்ப்
பாட்டுத் திறத்து வேதநாயகனுந் தவீதும்
படித்துப் பரம சேனை
நடித் தெக் களிப்பதையும் | பா |
-----------------------------------
ஆற்றும நேசா அருமை மணாளா வெனையீ
டேற்ற வந்த பூலோக ரட்சகா-போற்றிநின்றுன்
வாகை யழகை மகிமையைக் கண்டாசை
யாகினேன் கோவே யியான்.
(இராகம்: மோகனகல்யாணி) | (ஆதி தாளம்) |
ஆசையாகினேன் கோவே யுமக்
கனந்த ஸ்தோத்திரம் தேவே
இயேசு கிறிஸ்து மாசத்துவத்து
இரட்சகா ஒரே தட்சகா | ஆசை |
1. வேதா ஞான பத்தா என்
தாதா நீயே கத்தா
பாதார விந்தம் கண்டேன் பர
மானந்தா சச்சிதானந்தா | ஆசை |
2. கானா னாட்டுக் கரசே யுயர்
வானாட்டார் தொழுஞ் சிரசே
நானாட்ட முடன் றேடித் தேடி
நாடிப் பதம் பாடி | ஆசை |
3. வீணாய்க் காலங் கழித்தேன் சற்றுந்
தோணாம னின்று விழித்தேன்
காணா தாட்டைத் தேடிச் சுமந்த
கருத்தே எனைத் திருந்தே | ஆசை |
4. வந்தனம் வந்தனம் யோவா நீ
சந்ததம் சந்ததம் காவா
விந்தையா யுனைப் பணிந்தேன் சத்திய
வேதா யேசு நாதா | ஆசை |
5. ஆதி மானிடர் தேட்டா மகா
அற்புதமான கொண்டாட்டா
வேதநாயகன் பாட்டுப் படிக்கு
விரும்பி மனந் திரும்பி | ஆசை |
(1821-வரு)